یہ عادت آپ کی ورزش کا نقصان کر سکتی ہے!

 

کیا آلودہ ہوا آپ کی ورزش کی محنت ضائع کر رہی ہے؟

ایک حالیہ تحقیق میں یہ بات سامنے آئی ہے کہ ورزش کے فوائد ہمیشہ یکساں نہیں ہوتے اور یہ آپ کے رہائشی ماحول پر بھی منحصر ہیں۔ یونیورسٹی کالج لندن کی تحقیق میں 15 لاکھ سے زائد افراد کے ڈیٹا کا مطالعہ کیا گیا، جس میں برطانیہ، چین، تائیوان، ڈنمارک اور امریکہ کے شہری شامل تھے۔

سائنس دانوں نے دریافت کیا کہ وہ لوگ جو باقاعدگی سے ورزش کرتے ہیں لیکن آلودہ فضا میں رہتے ہیں، ان میں ورزش کے فوائد آدھے سے بھی کم ہو جاتے ہیں۔ تحقیق میں خاص طور پر باریک ذرات PM2.5 پر توجہ دی گئی، جو پھیپھڑوں میں جذب ہو کر خون میں شامل ہو سکتے ہیں۔

نتائج کے مطابق، ہر ہفتے کم از کم 2.5 گھنٹے معتدل یا سخت ورزش کرنے والے افراد کے قبل از وقت مرنے کے امکانات ورزش نہ کرنے والوں کے مقابلے میں تقریباً 30% کم ہوتے ہیں۔ تاہم، اگر یہ لوگ ایسے علاقوں میں رہتے ہیں جہاں فضائی آلودگی زیادہ ہو (25 مائیکروگرام فی مکعب میٹر یا اس سے زیادہ)، تو یہ فائدہ کم ہو کر 12–15% رہ جاتا ہے۔

یہ تحقیق ہمیں یاد دلاتی ہے کہ صرف ورزش کرنا کافی نہیں، بلکہ صحت مند ماحول میں ورزش کرنا بھی اتنا ہی ضروری ہے۔ ہوا کی معیار پر توجہ دینا اور اگر ممکن ہو تو صاف اور کم آلودہ علاقوں میں ورزش کرنا، آپ کی صحت کے لیے زیادہ فائدہ مند ہو سکتا ہے۔

Read More :

بابر اعظم نے عمر اکمل اور صائم ایوب کا ریکارڈ برابر کر لیا