راولپنڈی میں ڈینگی حملوں میں دوبارہ شدت آگئی

🌫️ پنجاب میں بڑھتا ہوا اسموگ! 😷 کیا اسکولوں میں سرمائی چھٹیاں پہلے دے دی جائیں گی؟ 

📰 پنجاب میں شدید اسموگ، اسکولوں کی ممکنہ بندش پر خدشات

پنجاب میں بڑھتی ہوئی اسموگ کے باعث اسکولوں کی بندش سے متعلق قیاس آرائیاں زور پکڑ گئی ہیں۔ سوال یہ ہے کہ کیا اس سال بھی گزشتہ سال کی طرح قبل از وقت سرمائی تعطیلات کا اعلان کیا جائے گا؟

محکمہ موسمیات کے مطابق صوبے کے مختلف شہروں، خصوصاً لاہور میں فضائی آلودگی خطرناک حد تک بڑھ چکی ہے۔ مسلسل خشک موسم کے باعث آنے والے دنوں میں اسموگ کی شدت میں مزید اضافے کا امکان ظاہر کیا گیا ہے۔

آج لاہور ایک بار پھر دنیا کا سب سے آلودہ شہر قرار پایا ہے، جہاں فضائی معیار (AQI) خطرناک سطح 362 تک جا پہنچا ہے۔

گزشتہ سال پنجاب حکومت نے 3 نومبر سے ایک ہفتے کے لیے تعلیمی ادارے بند کیے تھے، بعد ازاں تعطیلات میں مزید ایک ہفتے کی توسیع بھی کر دی گئی تھی۔

اس سال بھی حکومت پنجاب اور محکمہ تعلیم صورتحال پر گہری نظر رکھے ہوئے ہیں، تاہم ابھی تک اسکولوں کی بندش سے متعلق کوئی حتمی فیصلہ نہیں کیا گیا۔

ذرائع کے مطابق اگر اسموگ کی شدت میں اضافہ برقرار رہا تو ابتدائی جماعتوں کے اسکول احتیاطی طور پر بند کیے جا سکتے ہیں۔

محکمہ موسمیات نے خبردار کیا ہے کہ آنے والے دنوں میں فضائی آلودگی مزید بڑھے گی، جس سے مشرقی پنجاب کے شہروں میں ہوا کا معیار مزید خراب ہو سکتا ہے۔

ماہرین صحت کا کہنا ہے کہ آلودہ فضا سے سانس کی بیماریوں، نزلہ، زکام، کھانسی اور آنکھوں میں جلن کے کیسز میں اضافہ ہو سکتا ہے، جبکہ بچے، بزرگ اور مریض سب سے زیادہ متاثر ہوں گے۔

Read  More :

راولپنڈی میں ڈینگی حملوں میں دوبارہ شدت آگئی